Noyabrın 9-nun Dövlət Bayrağı Günü kimi qeyd edilməsi cəmiyyətimizdə milli birliyin və həmrəyliyin möhkəmlənməsində mühüm rol oynayır. Bu bayram xalqımızı ümumi məqsəd – Vətənin inkişafı və suverenliyinin qorunması ətrafında sıx birləşdirir. Hər bir vətəndaş bu gün bayrağımız altında daha da sıx birləşərək dövlətinə olan sədaqətini nümayiş etdirir.
Bayram münasibətilə ölkə daxilində silsilə tədbirlər, konfranslar, sərgilər və gənclərin vətənpərvərlik layihələri həyata keçirilir. Məktəblərdə və ali təhsil müəssisələrində bayrağımızın tarixi haqqında maarifləndirici dərslər təşkil olunur. Bu cür tədbirlər gənc nəslin milli ruhda tərbiyə olunmasında və dövlət atributlarına hörmət aşılanmasında əvəzsiz əhəmiyyət daşıyır.
Dövlət Bayrağı Meydanı Bakı şəhərinin əzəmətli simvollarından birinə çevrilərək həm yerli sakinlərin, həm də xarici qonaqların diqqətini cəlb edir. Dünyanın ən hündür bayraq dirəklərindən birində dalğalanan üçrəngli bayrağımız ölkəmizin qüdrətini vizual olaraq nümayiş etdirir. Bu meydan xalqımızın milli qürur yerinə və ziyarətgahına çevrilmişdir.
Milli həmrəyliyin təntənəsi olan bu gündə hər bir azərbaycanlı özünü böyük bir ailənin – Azərbaycan xalqının üzvü hiss edir. Bayraq bayramı bizə keçmişimizi unutmamağı, bu günümüzü qiymətləndirməyi və gələcəyə birlikdə addımlamağı öyrədir. Bu birlik Azərbaycanın qarşısında duran bütün hədəflərə çatmasının əsas zəmanətidir.
Cabir Hacıyev,
YAP Nizami rayon təşkilatının “Azər Manafov küçəsi, 1” ərazi partiya təşkilatının sədr müavini
