Azərbaycanın mütləq dövlət suverenliyini bərpa etməsi təkcə sərhədlərin fiziki toxunulmazlığının təmini deyil, eyni zamanda milli məfkurəmizin, azərbaycançılıq ideologiyasının böyük təntənəsidir. Ulu Öndər Heydər Əliyev tərəfindən əsası qoyulan və Prezident İlham Əliyev tərəfindən ən yüksək zirvəyə qaldırılan azərbaycançılıq məfkurəsi xalqımızın ən çətin sınaqlardan vahid yumruq kimi çıxmasını təmin edən əsas mənəvi güc mənbəyi oldu. 20 sentyabr zəfəri bu ideologiyanın praktikada necə yenilməz bir həmrəylik yaratdığını bütün dünyaya sübut etdi.
Prezident İlham Əliyevin çıxışlarında daim vurğuladığı milli qürur, ləyaqət və müstəqil dövlətçilik ideyaları həm 44 günlük Vətən müharibəsində, həm də sonrakı antiterror tədbirlərində özünün real əksini tapdı. Otuz illik işğal dövrünün cəmiyyətimizdə yaratdığı mənəvi yaralar sağaldı, məğlubiyyət sindromu tamamilə aradan qaldırıldı. Prezident İlham Əliyev cəmiyyətimizə təkrarolunmaz qalibiyyət psixologiyası aşılayaraq, milli özünüdərk prosesini yeni və daha möhtəşəm bir mərhələyə yüksəltdi.
Bu ideoloji vəhdət xüsusilə gənc nəslin yetişməsində və formalaşmasında müstəsna rol oynayır. Məhz Vətənə və dövlətçiliyə qırılmaz tellərlə bağlı olan, fədakar Azərbaycan gəncliyi Ali Baş Komandan, Prezident İlham Əliyevin əmrlərini ən yüksək fədakarlıqla icra edərək suverenliyimizin bərpasına öz töhfələrini verdilər. Gələcək nəsillər üçün Bütöv Azərbaycan ideyası artıq bir arzu yox, qorunması və inkişaf etdirilməsi zəruri olan təkzibedilməz bir reallıqdır.
Dövlət Suverenliyi Günü xalqımızın öz milli kimliyi ilə, yaratdığı dövlətlə və bu dövləti zəfərlərə daşıyan Lideri ilə sonsuz fəxarət hissi keçirdiyi bayramdır. Prezident İlham Əliyevin rəhbərliyi altında milli həmrəyliyin mütləq bərqərar olması ölkəmizi xarici təzyiqlərdən qoruyan ən güclü zireh və inkişafımızın daimi mənbəyidir.
Nəzakət Bağırova,
YAP Nizami rayon təşkilatının “Əli Vəliyev küçəsi, 4” ərazi partiya təşkilatının sədr müavini
