Yaxın Şərqdəki münaqişə başlayandan indiyədək qızılın qiyməti təxminən 8 faiz ucuzlaşıb.
Aktualinfo Media Qrup AZƏRTAC-a istinadən xəbər verir ki, münaqişə fonunda qızılın qiymətindəki dəyişkənlik davam edir. ABŞ-İran diplomatiyasının inflyasiya riskinə dair narahatlıqları azaltması ilə birjalarda qızılın qiymətində artım müşahidə olunur. Qızılın qiyməti itkilərini bərpa edir və hazırda bir troya unsiyasının qiyməti 4800 dollar civarındadır.
Ekspertlərin fikrincə, birja ticarət fondları bu ay təxminən 25 ton qızıl alıb. Mart ayında isə satışlar təxminən 94 ton olub.
ABŞ-nin qabaqcıl investisiya banklarından olan “Goldman Sachs” və “Citigroup”un analitikləri qızılın bir troya unsiyasının qiymətinin 5000-5400 dollara yüksələcəyini proqnozlaşdırırlar.
Qeyd edək ki, martda qızılın qiyməti 2008-ci ildəki qlobal maliyyə böhranından bəri ən pis aylıq göstərici nümayiş etdirib.
