1918-ci ilin payızında cümhuriyyət fədailərinin əllərində ucalan ilk üçrəngli bayraq xalqımızın qaranlıqdan işığa çıxış yolunun ilk fənəri idi. O dövrün ziddiyyətli və fırtınalı küləkləri arasında qaldırılan bu rəmz gənc respublikanın gələcəyə atdığı ən qətiyyətli addım idi. Cümhuriyyət ömrünü başa vursa da, onun bayraqda əbədiləşdiyi ruh heç vaxt sönmədi.
İllər boyu qadağaların və gizli arzuların qoynunda yaşayan bu müqəddəs parça xalqın yaddaşında həmişə uca tutuldu. Mühacirətdə yaşayan ziyalılarımızın göz yaşları ilə qoruduğu bu əmanət zamanı gəldikdə yenidən öz azad səmalarına qovuşdu. Tarixin qızıl səhifələrinə qızıl hərflərlə yazılan bu yol hər bir azərbaycanlının qürur mənbəyidir.
Hər dəfə bayrağımıza baxanda o dövrün ziyalılarının, istiqlal şairlərinin və azadlıq fədailərinin səsi qulaqlarımızda səslənir. Onlar bu bayrağın bir gün bütün Azərbaycan üzərində dalğalanacağına inanırdılar və bu inam zəfərlə nəticələndi. Tarixin sınaqlarından üzüağ çıxan bayrağımız bu günümüzün ən böyük mənəvi sərvətidir.
Keçmişin şanlı xatirəsini bu günün reallıqları ilə birləşdirən Azərbaycan bayrağı tariximizin canlı salnaməsidir. O, nəsillərdən-nəsillərə ötürülən ən qiymətli vəsiyyət olaraq qalmaqdadır. Bu bayraq altında yaşayan xalq hər zaman qalib və məğrur olacaqdır
Nazlı Ələkbərova,
YAP Nizami rayon təşkilatının fəalı
