Bakıda keçirilən 74-cü Beynəlxalq Astronavtika Konqresi dünyanın diqqət mərkəzində
2023-cü il 2-6 oktyabr tarixlərində Bakıda 74-cü Beynəlxalq Astronavtika Konqresi keçiriləcək. Bakı şəhərinin Beynəlxalq Konqresə ev sahibliyi etməsi 2019-cü ildə ABŞ-nin paytaxtı Vaşinqtonda Beynəlxalq Astronavtika Federasiyasının Baş Assambleyasına keçirilən seçkilər zamanı müəyyən edilib. Beynəlxalq Astronavtika Federasiyası ilk dəfə 1951-ci ildə qeyri-kommersiya qeyri-hökumət təşkilatı kimi fəaliyyətə başlamışdır.Beynəlxalq Astronavtika Konqresinə hər il BAF milli cəmiyyətinin üzvlərindən biri ev sahibliyi edir. Bu ilki ev sahibi isə Azərbaycan Respublikasının paytaxtı Bakı şəhəridir, lakin bu, gözəl Bakımızın bu Konqresə ilk ev sahibliyi deyil. Bundan 50 il əvvəl, 1973-cü ildə Bakıda 24-cü Beynəlxalq Astronavtika Konqresi baş tutmuşdur. Bu barədə məlumatlar isə 2023-cü il 2 oktyabr tarixində keçirilən Konqresin açılış mərasimində videoçarx şəklində nümayiş olunmuşdur. Baş tutan sərginin açılış mərasimində Azərbaycan Respublikasının Prezidenti İlham Əliyev, birinci xanımı Mehriban Əliyeva və oğulları Heydər Əliyev iştirak etmişdir. Sərgi pavilyonu Heyder Əliyev Mərkəzi və Bakı Konqres Mərkəzinin ərazisində 7800 kvadratmetrlik ərazini əhatə edir və burada müxtəlif ölkələrin kosmik qurumları və şirkətlərin stendləri nümayiş olunur. Belə bir qlobal tədbirə ev sahibliyi etmək ölkəmiz və gələcək əlaqələri üçün böyük əhəmiyyətə malikdir. Tədbirdə 100-dən çox ölkəni 5000-dən çox iştirakçı təmsil edir. Bakıda keçirilən bu Konqres ölkəmizin kosmik sənayeyə,müasir texnika və texnologiyaya, innovasiya sektorlarının inkişafına və müasirləşdirilməsinə nə qədər böyük önəm verdiyini göstərir. Bu verilən önəmin təzahürlərindən biri kimi 2022-ci ildə Azərbaycanda ilk dəfə keçirilən “TEKNOFEST Azərbaycan” Aerokosmik və Texnologiya Festivalını misal göstərmək olar. Azərbaycan on ildən artıq müddətdir ki,beynəlxalq kosmik ailənin üzvüdür. Hazırda baş tutan Beynəlxalq Astronavtika Konqresi çərçivəsində konfranslar,sessiya və sərgilər təşkil olunur,kosmik agentliklərin, yerli və beynəlxalq media qurumlarının təmsilçiləri iştirak edir. Növbəti Beynəlxalq Astronavtika Konqresi İtaliyanın Milan şəhərində baş tutacaq.2026-cı il üçün Konqresin keçiriləcəyi yer isə Bakı Konqresi çərçivəsində seçiləcək və elan olunacaq.
Abbasova Zərxanım,
YAP-ın fəalı
