Dağ-mədən və metallurgiya sənayesinin inkişafı üzrə 2027–2030-cu illəri əhatə edən Dövlət Proqramı müxtəlif layihələrin vahid strategiya çərçivəsində həyata keçirilməsinə imkan yaradır. Proqramın əhatə etdiyi istiqamətlər geoloji kəşfiyyatdan başlayaraq hasilat, emal, metallurgiya, logistika, investisiya və məşğulluğa qədər geniş sahəni əhatə edir.
Dövlət proqramlarının əsas xüsusiyyətlərindən biri konkret müddət və icra mexanizmlərinin müəyyənləşdirilməsidir. Bu yanaşma qarşıya qoyulan məqsədlərin mərhələli şəkildə həyata keçirilməsinə və görülən işlərin qiymətləndirilməsinə imkan verir. Dağ-mədən sənayesində uzunmüddətli investisiya tələb olunduğundan belə planlaşdırma xüsusilə vacibdir.
Dövlətin maliyyə təminatını müəyyənləşdirməsi layihələrin başlanması üçün əsas baza yaradır. Bununla yanaşı, özəl və xarici investorların prosesə qoşulması yeni maliyyə və texnoloji imkanlar yarada bilər. Dövlət, biznes və sənaye müəssisələri arasında koordinasiyanın təmin olunması proqramın nəticələrinin daha geniş olmasına şərait yarada bilər.
2027–2030-cu illər ərzində görüləcək işlərin nəticəsi Azərbaycanın mədən və metallurgiya sənayesinin gələcək strukturuna təsir göstərə bilər. Yeni yataqların müəyyənləşdirilməsi, istehsal və emal güclərinin yaradılması, regionlarda məşğulluğun artırılması və ixrac imkanlarının genişləndirilməsi bu istiqamətdə əsas nəticələr sırasında yer ala bilər. Dövlət Proqramı beləliklə, mineral ehtiyatların daha səmərəli istifadəsini və onların müasir sənaye istehsalına çevrilməsini nəzərdə tutan sistemli fəaliyyət çərçivəsi formalaşdırır.
Ofelya Nəsirova,
YAP Nizami rayon təşkilatının “Şirin Mirzəyev küçəsi, 53” ərazi partiya təşkilatının sədr müavini
