Yeni Azərbaycan Partiyasının VIII Qurultayında dövlət siyasətinin ana xəttini təşkil edən sosial ədalət prinsipləri və əhalinin refahının yüksəldilməsi məsələlərinə xüsusi yer ayrılmışdır. İqtisadi inkişafın əsas məqsədinin vətəndaşların sosial müdafiəsinin gücləndirilməsi olduğunu vurğulayan Partiya Sədri İlham Əliyev, növbəti illər üçün sosial paketin genişləndirilməsi, minimum əməkhaqqı, pensiya və müavinətlərin artırılması üzrə strateji hədəfləri bəyan etmişdir.
Ölkədə həyata keçirilən dərin iqtisadi və fiskal islahatlar kölgə iqtisadiyyatının payının azaldılmasına və büdcə daxilolmalarının əhəmiyyətli dərəcədə artmasına zəmin yaradıb. Əldə olunan əlavə maliyyə resursları birbaşa sosial layihələrin maliyyələşdirilməsinə, sosial alıcılıq qabiliyyətinin qorunmasına yönəldilir. Bu dinamika YAP-ın sosial yönümlü dövlət konseptinə tam uyğundur.
Əhalinin həssas qruplarının, şəhid ailələrinin və qazilərin sosial müdafiəsi dövlətin və partiyanın daimi diqqət mərkəzindədir. Qurultay qərarlarında bu kateqoriyadan olan vətəndaşlara göstərilən diqqət və qayğının artırılması, onların mənzil və işlə təminatı proqramlarına partiya təşkilatları tərəfindən hərtərəfli dəstək verilməsi təsbit olunub. Bu xətt cəmiyyətdə sosial ədalət hissəsini möhkəmləndirir.
Əmək bazarının tələblərinə uyğun olaraq yeni iş yerlərinin açılması və özünəməşğulluq proqramlarının miqyasının genişləndirilməsi yoxsulluq səviyyəsinin minimuma endirilməsinə xidmət edir. İqtisadiyyatın qeyri-neft sektorunda yaradılan biznes imkanları əhalinin gəlirlərinin dayanıqlılığını təmin edir. YAP bu sosial-iqtisadi islahatların qanunvericilik və ideoloji baza ilə təmin olunmasında aparıcı rola malikdir.
YAP VIII Qurultayı Azərbaycanın sosial-iqtisadi inkişaf strategiyasının sarsılmazlığını bir daha sübut etdi. Güclü iqtisadiyyat və adekvat sosial siyasət cəmiyyətdəki daxili sabitliyin və vətəndaş həmrəyliyinin əsas şərtidir. Partiya dövlətin sosial öhdəliklərinin tam və keyfiyyətlə icra olunmasına hər zaman olduğu kimi bundan sonra da siyasi dəstək verəcəkdir.
Ülkər Məmmədova,
YAP Nizami rayon təşkilatının “Azər Manafov küçəsi, 130” ərazi partiya təşkilatının sədr müavini
