Prezident İlham Əliyevin Gürcüstana səfəri zamanı mətbuat verdiyi bəyanatı regionun gələcək simasını müəyyən edən strateji mesajlarla zəngin olur. Bu sadəcə iki ölkə arasındakı dostluğun təsdiqi deyil, həm də Cənubi Qafqazın enerji və nəqliyyat xəritəsinin yenilənməsi deməkdir.
Bu gün Azərbaycan və Gürcüstan arasındakı münasibətlər özünün ən yüksək inkişaf mərhələsini yaşayır. Prezident İlham Əliyev bəyanatında hər iki ölkənin regionda yaratdığı yeni reallıqların anonsu kimi çıxış edir.
Prezident İlham Əliyev vurğulayıb ki, Azərbaycan və Gürcüstan artıq təkcə regional deyil, qlobal əhəmiyyətli enerji oyunçularıdır. Xəzər dənizindən Avropaya çəkiləcək sualtı elektrik kabeli layihəsi bu ittifaqın ən yeni və ən böyük hədəfidir. Bakı-Tbilisi-Qars dəmir yolunun ötürücülük qabiliyyətinin artırılması və Bakı Beynəlxalq Dəniz Ticarət Limanı ilə Gürcüstan limanlarının koordinasiyalı fəaliyyəti bəyanatın mərkəzində dayanır.
İlham Əliyevin Tbilisidəki bəyanatında ən diqqətçəkən məqamlardan biri Ermənistan-Azərbaycan münasibətlərinin normallaşması prosesində Gürcüstanın roludur. Dövlət başçısı “3+3” və ya ikitərəfli görüşlər formatında Gürcüstanın neytral və ədalətli vasitəçilik potensialını yüksək qiymətləndirir: “Bizim birgə fəaliyyətimiz regionda sabitliyin və təhlükəsizliyin əsas şərtidir. Cənubi Qafqaz xalqları sülh şəraitində yaşamalıdırlar və biz buna nail olmaq üçün əlimizdən gələni edirik.”
Mətbuata bəyanatda həmçinin qarşılıqlı investisiyaların artırılması məsələsi xüsusi yer tutur. Azərbaycanın Gürcüstan iqtisadiyyatına yatırdığı milyardlarla dollar dəyərində sərmayə bu ölkənin sosial rifahına birbaşa töhfə verir. Prezident həmçinin ticarət dövriyyəsinin sürətlə artmasını iqtisadi müstəqilliyin əsas sütunu kimi qeyd edir.
Prezident İlham Əliyevin Tbilisidəki bəyanatı bir daha sübut edir ki, Bakı və Tbilisi bir-biri üçün sadəcə qonşu deyil, həm də çətin sınaqlardan keçmiş etibarlı tərəfdaşdırlar. Bu mesajlar Ermənistana və digər xarici aktorlara bir çağırışdır: Regionun gələcəyi kənar müdaxilələrdə deyil, daxili əməkdaşlıqdadır.
Bu bəyanat eyni zamanda Cənubi Qafqazı müharibə və münaqişə ocağından çıxarıb, onu dünyanın ən mühüm tranzit və enerji mərkəzinə çevirmək strategiyasının tərkib hissəsidir.
Əliyev Toğrul,
Nizami rayonunun fəal gənci, Azərbaycan Diplomatiya Akademiyasının tələbəsi
