Azərbaycan Respublikasının Prezidenti cənab İlham Əliyev ABŞ-ın vitse-prezidenti Cey. Di. Vensin Azərbaycana rəsmi səfəri çərçivəsində mətbuata verdiyi bəyanatda iki ölkə arasında münasibətlərin hazırkı vəziyyəti və gələcək perspektivləri barədə geniş fikirlər səsləndirmişdir. Prezident İlham Əliyev bu səfərin Azərbaycan–ABŞ əlaqələrinin inkişafında mühüm mərhələ olduğunu vurğulamışdır.
Dövlət başçısı bildirmişdir ki, Azərbaycan və Amerika Birləşmiş Ştatları arasında münasibətlər uzun illərdir qarşılıqlı hörmət, etimad və tərəfdaşlıq prinsipləri əsasında inkişaf edir. Xüsusilə enerji təhlükəsizliyi, regional sabitlik, nəqliyyat-logistika, iqtisadi əməkdaşlıq və təhlükəsizlik sahələrində iki ölkə arasında səmərəli əməkdaşlıq mövcuddur.Prezident İlham Əliyev qeyd etmişdir ki, ABŞ Azərbaycanın enerji sektorunda mühüm tərəfdaşdır və Xəzər regionunda həyata keçirilən böyük beynəlxalq layihələrdə Amerika şirkətlərinin fəal iştirakı tərəfdaşlığın real nəticəsidir. Dövlət başçısı vurğulamışdır ki, Cənub Qaz Dəhlizi layihəsi Avropanın enerji təhlükəsizliyinin təmin olunmasında mühüm rol oynayır və bu istiqamətdə ABŞ-ın verdiyi siyasi dəstək yüksək qiymətləndirilir.
Bəyanatda həmçinin nəqliyyat və kommunikasiya sahələrinə toxunan Prezident İlham Əliyev Azərbaycanın mühüm tranzit və logistika mərkəzinə çevrildiyini bildirmişdir. O, qeyd etmişdir ki, Orta Dəhliz və Şərq-Qərb nəqliyyat marşrutları çərçivəsində ABŞ şirkətləri üçün geniş əməkdaşlıq imkanları mövcuddur.Dövlət başçısı regional təhlükəsizlik məsələlərinə də toxunaraq vurğulamışdır ki, Azərbaycan regionda sülhün və sabitliyin möhkəmləndirilməsində maraqlıdır. Prezident İlham Əliyev Ermənistan–Azərbaycan münasibətlərinin normallaşdırılması istiqamətində atılan addımlar barədə məlumat vermiş, ABŞ-ın bu prosesdə konstruktiv rol oynaya biləcəyini qeyd etmişdir.
Prezident İlham Əliyev həmçinin bildirmişdir ki, insan kapitalının inkişafı, təhsil, innovasiya və rəqəmsal transformasiya sahələrində də ABŞ ilə əməkdaşlıq genişləndiriləcək. O, xüsusilə gənclər arasında təhsil proqramlarının, texnoloji mübadilənin və startap ekosisteminin inkişaf etdirilməsinin vacibliyini vurğulamışdır.Sonda dövlət başçısı Cey. Di. Vensin səfərini Azərbaycan–ABŞ münasibətlərinin yeni mərhələsinin başlanğıcı kimi qiymətləndirərək əminliyini ifadə etmişdir ki, aparılan müzakirələr və əldə olunan razılaşmalar iki ölkə arasında strateji tərəfdaşlığın daha da möhkəmlənməsinə xidmət edəcək.
Prezident İlham Əliyevin bəyanatı bir daha göstərdi ki, Azərbaycan ABŞ ilə münasibətlərin inkişafında qarşılıqlı maraqlara əsaslanan, bərabərhüquqlu və uzunmüddətli əməkdaşlığa böyük önəm verir və bu tərəfdaşlıq regional və qlobal miqyasda mühüm əhəmiyyət daşıyır.
Günel Əlizadə,
Yeni Azərbaycan partiyası,məsləhətçi
