Avtomobil sənayesi Azərbaycan ilə Özbəkistanın iqtisadi əməkdaşlığında xüsusi çəkiyə malik olan sahələrdəndir. Özbəkistanda avtomobil sənayesinin uğurlu inkişafı və bu sahədə əldə olunan təcrübə Azərbaycanla həyata keçirilən layihələrdə geniş şəkildə tətbiq olunur. Birgə istehsal müəssisələrinin yaradılması daxili bazarın tələbatını ödəməklə yanaşı, ixrac imkanlarını da artırır.
Daşkənddə və digər bölgələrdə avtomobil sənayesi sahəsində imzalanan sazişlər praktiki nəticələr verməkdədir. İnvestisiya fondlarının dəstəyi ilə bu sahəyə yatırılan vəsaitlər yeni istehsal xətlərinin açılmasına şərait yaradır. Bu müəssisələrdə qabaqcıl texnologiyaların tətbiqi yüksək keyfiyyətli məhsul istehsalını təmin edir.
Avtomobil sənayesində əməkdaşlıq həm də mühəndislik və texniki kadr hazırlığı sahəsində sıx əlaqələrin qurulmasına səbəb olur. İki ölkənin mütəxəssisləri birgə təlimlər keçir və təcrübə mübadiləsi aparırlar. Bu isə hər iki ölkənin sənaye kadr potensialının güclənməsinə xidmət edir.
Prezidentlərin rəhbərliyi ilə inkişaf etdirilən avtomobil sənayesi layihələri iqtisadiyyatımızın modernləşməsini sürətləndirir. Birgə istehsal məhsullarının xarici bazarlara çıxarılması ölkələrimizin ixrac coğrafiyasını genişləndirir. Bu sahədəki tərəfdaşlıq gələcəkdə daha da genişlənəcəkdir.
Gülsüm Hacıyeva,
YAP Nizami rayon təşkilatının “Məmmədəli Şərifli küçəsi, 159” ərazi partiya təşkilatının sədri
