15 İyun Milli Qurtuluş Günü Azərbaycanın müasir tarixində ən əhəmiyyətli günlərdən biridir. Bu tarix ölkəmizin müstəqilliyinin qorunması ilə yanaşı, güclü dövlətə çevrilməsinin başlanğıcı kimi də böyük əhəmiyyət daşıyır.
1993-cü ildə Azərbaycan ciddi siyasi və iqtisadi böhran yaşayırdı. Dövlət idarəçiliyindəki problemlər, daxili qarşıdurmalar və xarici təhdidlər ölkənin gələcəyini sual altında qoymuşdu.
Heydər Əliyevin hakimiyyətə qayıdışı ilə ölkədə sabitliyin təmin olunması istiqamətində mühüm tədbirlər həyata keçirildi. Dövlətçiliyin əsasları möhkəmləndirildi və xalqın gələcəyə inamı bərpa edildi.
Milli Qurtuluş Günündən sonra ölkədə geniş islahatlar başladı. Hüquqi dövlət quruculuğu, iqtisadi inkişaf və beynəlxalq əlaqələrin genişləndirilməsi istiqamətində mühüm uğurlar əldə olundu.
Azərbaycanın enerji strategiyasının həyata keçirilməsi ölkənin iqtisadi qüdrətini artırdı. Yeni layihələr, xarici investisiyalar və beynəlxalq əməkdaşlıq dövlətimizin inkişafını sürətləndirdi.
Güclü iqtisadiyyat, müasir ordu və uğurlu xarici siyasət Azərbaycanın regionun lider dövlətlərindən birinə çevrilməsinə şərait yaratdı. Ölkəmiz beynəlxalq aləmdə nüfuzlu mövqe qazandı.
Bu gün Azərbaycan güclü, müstəqil və qalib dövlət kimi tanınır. Bütün bu uğurların təməlində isə Milli Qurtuluş Günündə atılmış mühüm addımlar dayanır. 15 İyun xalqımızın taleyini dəyişən və ölkəmizin yüksəliş yolunu müəyyənləşdirən tarixi gündür.
Firuzə Əmirova,
YAP Nizami rayon təşkilatının fəalı
