“Bitcoin”in qiyməti son iki ayın ən yüksək səviyyəsinə çatıb.
İcxeberinfo.az AZƏRTAC-a istinadən xəbər verir ki, “Bitcoin”in qiyməti 2,4 faiz artaraq 96 min 348 dollara çatıb və noyabrın 16-dan bəri ən yüksək gündəlik artım nümayiş etdirib.
Ekspertlərin fikrincə, “Bitcoin” həftələrlə dar diapazonda ticarət edildikdən sonra riskli aktivlər və qiymətli metalların qiymətindəki artım fonunda bahalaşır. Bu, investorların alternativ aktivlərə tələbi və dəstəkləyici geosiyasi vəziyyətlə əlaqədardır. Çünki “Bitcoin” yanvar ayı ərzində potensial bir “qırılma” siqnalı verib. Qiymətin 100 min dollar səviyyəsinə yüksələcəyi gözlənilir. “Bitcoin”in qiymətindəki bahalaşma kriptovalyuta aktivlərinə qarşı nikbinliyi artırır. Eyni zamanda, bu proseslər kriptovalyutalar üçün yarım milyard dollardan çox dəyərində eniş gözləntilərini də aradan qaldırılıb.
Son 24 saat ərzində təxminən 290 milyon dollar dəyərində “Bitcoin” likvidasiya edilib. Bütün kriptovalyutalar üzrə isə təxminən 600 milyon dollar dəyərində likvidasiya olunub. Həmçinin ötən gün investorlar ABŞ birjalarında ticarət edilən 12 “Bitcoin” birja ticarət fonduna 754 milyon dollar yatırıblar. Bu, oktyabrın 7-dən bəri ən yüksək göstəricidir.
Qeyd edək ki, “Bitcoin”in qiyməti 2025-ci il ərzində 6 faizdən çox ucuzlaşıb.
